Високиот комесар за човекови права на ОН, Нави Пилај изрази денеска сомнежи околу легалноста на израелската воена офанзива против Појасот Газа и притоа ги повика двете страни да прекинат со борбите. Според неа, Израел треба во согласност со меѓународните закони да преземе мерки со кои ќе се осигра дека нападите се пропорционални и се прави разлика помеѓу воени и цивилни цели со цел да се избегнат непотребните жртви. Пилај ги повика Хамас и останатите палестински групи да прекинат со нападите врз густо населени области.