„Го повторуваме нашиот повик за мирно изразување на ставовите и воздржување од насилство. Никој нема право да наштетува на други луѓе или на туѓа сопственост. Насилството ја подрива легитимноста на целите и ја намалува продуктивноста на напорите насочени кон разрешување на прашањата”, стои во одговорот од Амбасадата на Соединетите Држави во Скопје на барањето на Радио Слободна Европа за коментар околу најавените протести и контрапротести.
Инаку веќе неколку дена на социјалните мрежи се најавуваат нови протести против пресудата за Монструм. Како одговор на демонстрациите, се појавија и повици за организирање на контрапротести пред Владата.