Министерот за надворешни работи Никола Попоски од денеска учествува на традиционалниот хрватски форум, кој се одржува во Дубровник. На Форумот, кој ќе трае до 12 јуни предвидено е учество на политички претставници на ЕУ, министри за надворешни работи на земјите-членки на ЕУ и земјите од регионот, како и високи претставници на САД, Русија, Кина и Јапонија.
Овогодинешната конференција ќе биде посветена на интеграцијата на земјите од Западен Балкан во ЕУ. Попоски, како што е предвидено, ќе има обраќање на вториот панел на Форумот на тема „Иднината на проширувањето на Европската унија“.