Москва соопшти дека ја одобри кандидатурата на новиот американски амбасадор во Русија, Џон Тефт. Помошник на претседателот Владимир Путин, за надворешна политика, Јуриј Ушаков, изјави дека "агреманот е даден".
Ушаков изјави дека добро го познава Тефт и го нарече дипломат од прва класа. Џон Тефт е познат по својата поддршка за про западната политика на Украина и Грузија. Тој претходно работел како американски пратеник во овие земји.