Група од 30, главно млади и малолетни лица, и денеска се собраа пред Јаја-пашината џамија во Скопје на протест поради незадоволство од случајот Монструм. Демонстрантите превртеле два контејнера по што се упатиле кон зградата на Општина Чаир. Медиумите јавуваат дека почнале да ја каменуваат општинската зграда, но полицијата со употреба на шок-бомби успеала да ги растера. Во тој дел од градот денеска беше забележливо засилено полициско присуство, по вчерашните насилни масовни протести.
