Американската амбасада во Алжир денеска издаде предупредување за опасност од можен напад врз американски интереси во таа земја. Во соопштението, амбасадата им порачува на своите вработени и државјани да избегнуваат хотели во сопственост на американски компании. Слично предупредување е издадено и во Уганда, каде што американската амбасада во Кампала наведува можност од напад врз меѓународниот аеродром во тој град. Зголемена е и контролата на директните летови за Соединетите држави.
