Германскиот министер за финансии Волфганг Шојбле изјави дека би било апсолутно неприфатливо Британија да ја напушти Европската унија. „Гледано историски, политички, демократски и културно Британија и е неопходна на Европа“, оцени Шојбле по пишувањата во некои медиуми дека Британија е поблиску до излегување од Европската унија, откако Унијата го избра Жан Клод Јункер за претседател на Европската комисија. Против неговиот избор беа само Британија и Унгарија.
