Бомбаш-самоубиец се разнел во јужниот дел на Бејрут во близина на контролен пункт на безбедносните сили, при што било оштетено и кафуле кое се наоѓало во близина, соопштуваат либански безбедносни претставници. При експлозијата загинал бомбашот, а повредени се неколку луѓе кои во кафулето го гледале Светското првенство во фудбал. Експлозијата се случила во главно шиитски муслимански кварт во јужен Бејрут населен од страна на симпатизери на шиитската група Амал, сојузник на милитантното движење Хезболах.
