Американскиот потпретседател Џо Бајден изјави дека Соединетите Држави ќе разговараат со сојузниците за воведување нови санкции против Русија доколку Москва не го искористи своето влијание за запирање на насилствата на сепаратистите во источна Украина. Ова Бајден му го пренел на украинскиот претседател Петро Порошенко во телефонски разговор, соопшти Белата Куќа. Бајден нагласил дека Русија не го спречува доставувањето оружје за милитантите.
