Рускиот министер за надворешни работи Сергеј Лавров пристигнал во Минск каде што денеска треба да разговара со неговиот белоруски колега Владимир Макев за кризата во Украина, јавуваат руските медиуми. Тие пренесуваат дека двајцата министри ќе разговараат за „детална анализа на билатерални и меѓународните прашања, вклучувајќи ја и соработката во Заедницата на независни држави, Евроазиската економска унија и во државниот сојуз меѓу Русија и Белорусија“, за ОН, како и за односите со ЕУ и со ОБСЕ. Се наведува дека ќе се разговара и за „спроведувањето на договорите“ постигнати од Москва и од Минск во првата половина од годинава.
