Вашингтон испрати еден од своите носачи на авиони во Персискиот залив со цел да му овозможи на претседател Барак Обама поголема флексибилнсот ако треба да се преземе воена акција , доколку безбедноста во Ирак продолжи да се влошува. Американскиот секретар за одбрана Чак Хејгел, рече дека носачот ќе биде поставен денеска . Државниот секретар Џон Кери синоќа му кажал на ирачкиот министер за надворешни работи, Хошјар Зебари дека ќе има американска помош против милитантите само ако ирачките лидери ги надминат длабоките поделби и ако се формира нова влада на национално единство.Во меѓувреме исламските екстремисти окупираа големи делови од територијата во северен Ирак - вклучувајќи ги и градовите Мосул и Тикрит – а сега напредуваат кон Багдад.