Американскиот претседател Барак Обама вчера рече дека сите опции се отворени за да му се помогне на Ирак во борбата со исламските бунтовници. Тој додаде дека на земјата и треба повеќе помош од Соединетите држави и од меѓународната заедница. Обама не прецизираше каков тип на помош може да обезбедат, но потпретседателот Џо Бајден во телефонскиот разговор со ирачкиот премиер Нури Ал Малики рекол оти Вашингон е подготвен да ја интензивира и забрза безбедносната поддршка.
