Рускиот претседател Владимир Путин изјави денеска дека преговорите со Украина околу испораката на гас одат кон ќорсокак. Украина побарала поголемо намалување на цената за гасот, а руската понуда е намалување за 100 долари за илјада метри кубни од сегашните 485 долари, што, според Путин е последна понуда. Путин исто така му наложил на премиерот Дмитриј Медведев да ја формализира ваквата одлука и да ја утврди цената на рускиот гас за Украина на 385 долари за илјада метри кубни.