Експлозија одекнала во административната зграда во источниот украински град Луганск, која е под контрола на про-руските сепаратисти, јави дописникот на Радио Слободна Европа. Нема извештаи за жртви. Од зградата се издигал густ чад, а на местото дошле медицински и против-пожарни возила. Претставник на украинската армија ги демантира тврдењата на бунтовниците дека зградата била бомбардирана од воздух. Се претпоставува дека до експлозијата дошло по грешка, при манипулација со експлозив или оружје. Во меѓувреме, во предградијата на Луганск продолжуваат борбите меѓу про-руските сепаратисти и украиснките сили.
