И натаму ја подржуваме Украина, нејзиниот територијален интегритет и суверенитет, како и правото на украинскиот народ да решава за својата иднина, изјави денеска генералниот секретар на НАТО Андерс Фог Расмусен во обраќањето на пролетната сесија на Парламентарното собрание на НАТО во Вилнус. Тој додаде дека од 2008-ма година, Русија постојано ги зголемува издвојувањата за одбраната, додека европските сојузници ги намалуваа. Кризата во Украина покажа зошто одбраната е важна, зошто се важни издвојувањата за одбраната, истакна Расмусен.
