„Вистина е дека ќе побарам отштета од 500 илјади евра“, изјави денеска во Скопје премиерот Никола Груевски, откако беше обелоденето дека тој поднел тужба за клевета против лидерот на СДСМ, Зоран Заев, за изнесените наводи во врска со случајот „Македонска банка“. Заев објави снимка за која вели дека бил снимен Груевски како преку посредник ја договарал продажбата на „Македонска банка“ на српскиот бизнисмен Јовица Стефановиќ Нини. Првото судско рочиште за овој случај е закажано за 19 јуни.
