Американскиот државен секретар Џон Кери изјави дека руските трупи кои беа распоредени на украинската граница се повлекуваат кон Москва, но според него се уште постои закана, бидејќи има докази оти војниците преминуваат и во источна Украина. Според него, луѓе од Чеченија, кои биле обучени во Русија се инфилтрираат во Украина со цел да ги поттикнат борбите. Белата куќа изрази загриженост дека сепаратистите користат напредно вооружување откако беше соборен еден украински хеликоптер, при што загинаа 14 лица.
