Американскиот секретар за одбрана Чак Хејгел изјави дека бројот на американски војници кои ќе останат во Авганистан според планот на Обама, е соодветен за обука на авганистанските безбедносни сили и за борба против тероризмот. Обама соопшти дека ќе останат 9800 американски војници во Авганистан и по завршувањето на борбената мисија во таа земја на крајот од оваа година.
