Проруските сепаратисти соопштија дека 30 нивни борци биле убиени во вчерашните жестоки борби со украинските владини сили во Доњецк. Борбите во кои украинските сили користеле авиони и хеликоптери почнале откако сепаратистите го зазеле аеродромот во Доњецк. За прв пат од почетокот на нередите во источна Украина пред два месеца борбите се прошириле и во самиот град Доњецк. Петро Порошенко кој победи на претседателските избори во неделата вети дека ќе почне дијалог со претставници на источниот дел на земјата, но не и со, како што рече, терористи.