Генералниот секретар на НАТО Андерс Фог Расмусен констатира денеска во Подгорица дека Црна Гора постигнала очигледен напредок на патот кон членство во Алијансата. Расмусен, се сретна со претседателот Филип Вујановиќ и претседателот на Парламентот Ранко Кривокапиќ, даде позитивна оценка за напорите на Црна Гора до следната средба на врвот на НАТО да ги активира напорите и да ги оправда уверувањата дека е подготвена за членство. Алијансата смета дека евентуалната покана за членство на самитот во Велс е стратегиски важна не само за Црна Гора, туку и за целиот регион и НАТО, беше констатирано на средбата на Расмусен со црногорските лидери.
