Милион жители на Босна и Херцеговина се погодени од најтешките поплави на Балканот во изминатите сто години, изјави босанскиот министер за надворешни работи Златко Лагумџија. Повеќе од сто илјади куќи и други згради се неупотребливи, а околу милион лица немаат чиста вода, рече тој. Поплавите во Босна и Херцеговина активираа над две илјади свлечишта. Исклучително тешка е ситуацијата во Зеничко-добојскиот кантон, каде што многу места и села буквално биле избришани од лицето на земјата.
