Турскиот премиер Реџеп Таип Ердоган го посети рудникот во Турција каде што се случи несреќата во која досега е потврдена смртта на 232 лица. Меѓутоа, се страхува дека бројот на настраданите би можел да биде и поголем, бидејки во моментот на експлозијата во рудникот имало 787 рудари, а многумина сеуште се под урнатините. Поради несреќата, Ердоган ја откажа, за денеска предвидената посета на Албанија. Турската влада прогласи три-дневна жалост во земјата.
