Лидерот на само-прогласената Народна Република Доњецк, Денис Пушилин, денеска упати апел до Москва да размисли за апсорбирање на тој регион во рамките на Руската федерација, со што, според него, би се исправила историска неправда. На прес конференција во Доњецк, Пушилин изјави дека украинската армија е нелегална на нивната територија и оти ќе ја сметаат за окупаторска доколку не си заминат.
