Британскиот министер за надворешни работи Вилијам Хејг изјави денеска дека Русија се обидува да ги наруши претседателските избори во Украина, закажани за 25-ти мај. По пристигнувањето во Виена на состанокот на Советот на Европа посветен на Украина, Хејг оцени дека украинците имаат право да си изберат претседател на слободни и демократски избори. Околу 30 шефови на дипломатии ќе учествуваат на состанокот во Виена, меѓу кои и рускиот министер за надворешни работи Сергеј Лавров, како и украинскиот, Андреј Дешчица.