Египетскиот суд денеска ги изрече пресудите за повеќе од 100 поддржувачи на соборениот исламистички претседател Мохамед Морси, кои се осудени на казни затвор до 10 години поради убиства и поттикнување насилство. Минатата недела, друг суд осуди на смрт речиси 700 припадници на забранетото Муслиманско братство на Морси. Илјадници поддржувачи на братството беа уапсени и изведени на масовни судења по соборувањето на Морси во јули минатата година. Пресудите доаѓаат во пресрет на претседателските избори закажани за 26 и 27 мај. Се очекува да победи поранешниот началник на генералштабот на египетската армија, Абдел Фатах ал-Сиси, кој го предводеше соборувањето на Морси.