Високиот претставник во Босна и Херцеговина Валентин Инцко изјави дека Уставот на таа земја не остава никаков простор за отцепување на ентитетите и оти босанскиот суверенитет и територијален интегритет се апсолутно сигурни. „Заканите за еднострани измени на уставниот поредок и приказните за одржување референдум се само губење време и со цел да се сврти вниманието од вистинските проблеми“ изјави Инцко. Запрашан дали Србија на чело со Алекснадар Вучиќ тајно работи на отцепување на Република Српска, тој додаде дека Вучиќ неколку пати повторил дека Белград го почитува територијалниот интегритет на Босна и Херцеговина.
