Премиерот на Малезија Наџиб Разак денеска изјави дека неговата земја нема да ја запре истрагата се додека не биде решена мистеријата со авионот на Малезија Ерлајнс кој исчезна на 8 март, а во кој имаше над 239 патници и членови на екипажот. Тој ова го изјави во австралискиот град Перт каде што е центарот на операциите за потрагата по евентуалните остатоци на авионот во Индискиот океан. Австралискиот премиер Тони Абот оцени дека оваа операцијата била една од најтешките во историјата.