Претседателот на Казахстан Нурсултан Назарбаев го врати на функцијата премиер Карим Масимов, откако Шерик Ахметов неочекувано си поднесе оставка како претседател на владата. Не е соопштена причината за неговата оставка. Наименувањето на Масимов веднаш беше поддржано во парламентот. 49 годишниот Масимов беше 6 години премиер, најдолго во историјата на независен Казахстан, пред да ја напушти функцијата во 2012 година.
