Генералниот секретар на НАТО Андерс Фог Расмусен оцени дека Грузија е специјален партнер, кој направил значителен прогрес на патот кон демократијата. На состанокот на комисијата НАТО – Грузија во Брисел, Расмусен и оддаде признание на Грузија за учеството во мисијата во Авганистан, како и за подготвеноста да им се приклучи на НАТО силите за брза реакција од 2015-та година. Тој искажа и поддршка за територијалниот интегритет и суверенитет на Грузија во рамките на меѓународно признатите граници, како и за нејзините евро-атлански аспирации.
