Романскиот претседател Трајан Басеску го известил парламентот дека Соединетите Држави бараат да го зголемат бројот на војници и воени авиони во базата на Црно Море во источна Романија, која е на неколку стотини километри од Крим. Други детали не се соопштени. Американските сили ја користат таа база од 1999-та година и е клучна за американските војници и опрема, кои се повлекуваат од Авганистан.
