Грција до крајот на овој месец ќе добие 6,3 милијарди евра кредит од Европската Унија. Министрите за финансии на земјите членки на евро-зоната, на денешниот состанок во Атина исто така најавија дека Грција ќе добие уште две транши од по милијарда евра во јуни и во јули, но оти тоа е поврзано со грчкиот прогрес на реформите. Грција и натаму е во финансиска криза и е зависна од спасувачките финансиски пакети од ЕУ и од Меѓународниот монетарен фонд. Грција досега доби околу 200 милијарди евра финансиска помош.