Јужна Кореа денеска истрелала артилерски гранати во територијалните води на Северна Кореа како одговор на гранатите што претходно паднале во јужнокорејските води. Воени извори во Сеул соопштија дека гранатите не паднале на копно или врз некоја воена позиција во Северна Кореа која одржува воени вежби со боева муниција. Деновиве Пјонгјанг се закани дека ќе изврши и четврта нуклеарна проба.
