Лидерот на Чеченија Рамзан Кадиров денеска отвори нова џамија во арапско село во Израел. Изградбата на џамијата во селото Абу Гош чинела 10 милиони долари, а џамијата ќе го носи името на таткот на Кадиров, Ахмет Кадиров. Иса Џабар, градоначалникот на селото рече дека Чеченија донирала 6 милиони долари за изградба на џамијата. Џамијата е со капацитет за 3000 верници и е една од најголемите џамии во Израел. Градоначалникот вели дека некои од селаните водат потекло од Чеченија и регионот на Кавказот. Абу Гош, се наоѓа западно од Ерусалим и одржува добри односи со своите еврејски соседи. Селото е популарна кулинарска дестинација за Израелците.
