Рускиот претседател Владимир Путин денеска го потпиша договорот со кој Крим станува дел на Руската Федерација. Претходно, двата дома на рускиот парламент, Советот на федерацијата и Думата, едногласно го усвоија договорот со што е завршено анектирањето на Крим. Пред денешното гласање шефот на руската дипломатија Сергеј Лавров изјави дека западните санкции против Русија биле неразумни и оти ќе создадат непотребни бариери.
