Европската Унија веќе подготвила листа на околу 120 личности од Русија на кои би се однесувале снакциите поради ситуацијата на Крим. За нив ќе биде воведена забрана за патување и замрзнување на сметките. Според германскиот весник Билд, на листата се вклучени и министерот за одбрана Сергеј Шојгу, заменик премиерот Дмитриј Рогозин, како и неколкумина советници на претседателот Владимир Путин. За во понеделин е закажан состанок на министрите за надворешни работи на Европската Унија, посветен на кризата во Украина.