Украинскиот премиер Арсениј Јацењук денеска ќе има обраќање во Советот за безбедност на Обединетите нации за кризата на Крим. Се очекува тој да повтори дека планираниот неделен референдум на Крим е незаконски и оти претставува кршење на територијалниот интегритет на Украина. Јацењук деновиве предупреди дека кризата на Крим ќе има последици и надвор од Украина. Во меѓувреме денеска во Киев украинскиот парламент едногласно го изгласа предлогот на привремениот претседател Олександар Турчинов за создавање национална гарда и за мобилизирање резервисти и доброволци во украинските вооружени сили.