Амбасадорот Герт Хајнрих Аренс, шефот на Набљудувачката мисија на ОБСЕ на престојните претседателски избори во Македонија денеска во Скопје ќе ги претстави улогата и активностите на мисијата. Со тоа тоа ќе биде официјализирано отворањето на Набљудувачката мисија за избори на канцеларијата за демократски институции и човекови права ОДИХР на ОБСЕ за претседателските избори на 13 април годинава. Набљудувачката мисија за претседателските избори е воспоставена на покана од Министерството за надворешни работи на Македонија, а од ОДИХР очекуваат таква покана да биде упатена и за набљудување на предвремените парламентарни избори на 27 април годинава.