Про руски демонстранти денеска упаднале во административната зграда во источниот украински град Доњецк. Како што јавува дописникот на Радио Слободна Европа, демонстрантите го пробиле полицискиот кордон, влегле во зградата и го развиориле руското знаме. Нема извештаи за евентуални повредени. Истиот објект, про-руски демонстранти го држеа неколку дена, но денеска претпладне полицијата успеа да ги убеди да го напуштат. Меѓутоа, вечерва на објектот повторно се вее руско знаме.
