Американскиот претседател Барак Обама во предлог буџетот за претстојната фискална година предлага даночни олеснувања за Американците со ниски примања и прекин на два типа на даночно олеснување кои важат за жителите на земјата со повисоки примања. Предлог буџетот е тежок 3,9 трилиони американски долари и меѓу другото, се предлага покачување на минималната плата и инвестиции во инфраструктурата. Предлогот, кој нема добри шанси да помине во Конгресот, предвидува намалување на буџетскиот дефицит за 651 милијарда американски долари до 2024 година.
