Времето денеска ќе биде сончево со мала до умерена локална облачност. Во текот на денот облачноста постепено ќе се зголемува. Утринската температура се движи од минус три до шест, а дневната од 16 до 20 степени. Во Скопје утринската температура ќе се спушти до еден, а дневната ќе достигне до 17 степени. Од утре дневната температура постепено ќе опаѓа и облачноста ќе се зголемува. В петок и за време на викендот ќе преовладува променливо облачно време со локален дожд.