Турската полиција денеска употребила солзавец и водени топови да растера неколку стотици демонстранти кои во Анкара барале ослободување на воените офицери затворени поради планирање државен удар. Турскиот премиер Реџеп Таип Ердоган во минатиот месец изјави дека не се противи на повторното судење на стотиците воени офицери, кои се затворени поради обид за соборување на власта. Владата веќе поднесе до Парламентот предлог закон што би овозможил повторување на судската постапка.
