Шефот на турската дипломатија Ахмет Давутоглу денеска во Сараево изјави дека дошол во Босна и Херцеговина за да ја поддржи таа земја и да разговора со властите за причините на граѓанските протести. „Турција секогаш во критичните периоди беше со Босна и Херцеговина, а ова е критичен и важен момент за стабилноста, мирот и сигурноста на оваа земја“, оцени Давутоглу. Тој ја најави можноста по Сараево да ги посети Белград и Загреб.
