ВИДЕО: Ескалација на протестите во Тузла и во Сараево
Oколу 13.000 лица и денеска излегоа на улиците на Тузла и се упатија кон кантоналниот и општинскиот суд и обвинителство, зградата на општината на МВР.
Пожарот во зградата на Владата, што демонстрантите претходно ја запалија, го гаснеа пет пожарникарски возила. Зградата на Владата е цела во чад и оган, а демонстрантите им помагаа на пожарникарите да го изгаснат пожарот, но гасењето дополнително беше отежнато заради ветрот.
- Во Универзитетскиот клинички центар во Тузла досега се примени осум повредени лица, изјави портпаролката Амра Одобашиќ и додаде дека никој не се здобил до потешки повреди што бараат болничко лекување.
Социјалните немири во Тузла почнаа пред три дена и кулминираа со упадот на демонстрантите во зградата на Владата, што ја запалија.
Вашиот пребарувач не подржува HTML5
Тузла: Демонстрантите ја запалија зградата на локалните власти
Протести се оддржани и во други градови, каде, исто така, имаше судири со полицијата, а ситуацијата кулминираше и во Сараево каде има голем број повредени меѓу демонстрантите и припадниците на специјалната полиција.
Со солзавец и камења е посипан просторот околу зградата на Владата на Кантонот и зградата на Претседателството на БиХ. Сите стакла на прозорците на зградата на кантоналната Влада на Сараево се искршени, јавија босанските медиуми.
Моменталната ситуација е драматична и хаотична, објавија локалните медиуми.
Клиничкиот центар на Универзитетот во Сараево од 14 часот примил најмалку 33 повредени, од кои поголемиот број се припадници на полицијата, потврди портпаролката на центарот Билјана Јандриќ.
