Двете членки на руската група Пуси Рајот се појавија на концерт во Соединетите Држави, при што го повикаа рускиот претседател Владимир Путин да ги ослободи сите анти-владини демонстранти. Откако беа претставени од поп звездата Мадона, на еден хуманитарен собир на Амнести Интернешнел во Њујорк, Надежда Толоконикова изјави: Бараме Русија да биде слободна, Русија без Путин. Мадона ги претстави со зборовите: Време е остатокот од светот да биде храбар како членките на Пуси Рајот и да застане против луѓето како Путин, против оние кои не ги почитуваат човековите права. Претходно Толоконикова и Марија Аљокина се состанаа со американската амбасадорка во Обединетите Нации Саманта Пауер.