Украинскиот претседател Виктор Јанукович заминал на боледување поради грип со висока температура, објавено е денеска на сајтот на украинското претседателство. Се уште не е познато колку време тој не ќе може да ја извршува функцијата во земјата која е зафатена со длабока политичка криза и со антивладини протести. Во една од серијата потези за смирување на ситуацијата парламентот деновиве изгласа укинување на спорниот закон против јавни собири и усвои закон за условна амнестија на демонстрантите.
