Припадници на специјалните единици на француската полиција и жандармерија ќе одат на Зимските Олимписки игри во Сочи заедно со француските спортисти за да ја осигураат нивната безбедност. Ова денеска го соопшти министерката за спорт Валери Фурнејрон. Исламистичка група од Северен Кавказ деновиве објави видео снимка на која се заканува дека ќе изврши напади во текот на Олимпијадата. Таа група ја презеде одговорноста за нападите во Волгоград во минатиот месец кога загинаа 34 луѓе.
