Во ирачките градови Рамади и Фалуџа и денеска имало жестоки борби меѓу безбедносните сили и милитанти, поврзани со Ал Каеда. Дописникот на Радио Слободна Европа јавува дека имало и загинати цивили, а голем број луѓе ги напуштиле своите домови. Портпарол на ирачкото министерво за одбрана изјави дека безбедносните сили ја превзеле контролата врз делови од Рамади и оти биле убиени повеќемина милитанти. Во Фалуџа, најмалку 7 лица загинале, а над 20 биле ранети.
