Илјадници луѓе го напуштија подрачјето на границата меѓу Пакистан и Авганистан кое што се смета за уточиште на екстремистите, по воздушните напади кои се случија во текот на неделата во кои загинаа повеќе десетици лица. Пакистанското воено воздухопловство ги бомбардираше северните делови на Вазиристан откако тамошните талибанци ја презедоа одговорноста за нападите против војската. Авганистанските и пакистанските талибанци и други групи поврзани со Ал Каида имаат формирано свои зони во планинските племенски гранични подрачја меѓу Пакистан и Авганистан.
