Ердоган во посета на Брисел за евроинтеграциите на Турција

Турскиот премиер Реџеп Таип Ердоган доцна синоќа пристигна во Брисел со надеж дека преговорите на неговата земја со ЕУ ќе ги врати на правата патека. Воедно тоа ќе биде првата посета на Ердоган на Брисел во последните пет години, која е засенета од коруптивниот скандал во Турција во кој се вмешани и владини функционери. Ердоган по пристигнувањето во Брисел разговараше со околу 2000 негови поддржувачи кои се собраа во хотелот каде што тој престојува.