Американската амбасадорка во Јапонија, Каролин Кенеди, изрази длабока загриженост поради традиционалниот лов на делфини во западна Јапонија. Годишниот лов на делфини во Таиџи во западна Јапонија долго време е предмет на контроверзи, а документарецот на таа тема „Заливот“ доби и Оскар. Секоја година, рибарите од малото рибарско градче Таиџи довезуваат стотици делфини во заливот. Дел од нив продаваат во морските паркови, дел пуштаат назад во морето, а останатите ги убиваат за месото. Амбасадорката Кенеди на Твитер напиша дека е „длабоко загрижена поради нехуманоста“ со која се убиваат китовите додавајќи дека американската влада се противи на таквиот начин на риболов.